Баргузории мусобиқаи варзишии гӯштингирӣ яке аз анъанаҳои неки ҷашни байналмилалии Наврӯз ба шумор меравад. Санаи 11-уми апрели соли 2026 бо дастгирии Мақомоти иҷроияи ҳокимияти давлатии ноҳияи Нуробод мусобиқаи байналмилалии гӯштингирӣ бо шукуҳу шаҳомати хоса баргузор гардид. Дар ин мусобиқа паҳлавонон аз тамоми гӯшаву канори ҷумҳурӣ ва ҳамчунин аз хориҷи кишвар иштирок намуда, маҳорати баланди варзишии худро ба намоиш гузоштанд. Чорабинии мазкур бо ҳузури теъдоди зиёди мухлисон дар фазои идона ва дар сатҳи баланди ташкилӣ баргузор шуда, ба яке аз рӯйдодҳои муҳими варзишии Наврӯзӣ табдил ёфт. Мусобиқа боиси таҳкими дӯстӣ миёни варзишгарон, тарғиби тарзи ҳаёти солим ва эҳёи анъанаҳои миллӣ гардида, хотири иштирокдорон ва тамошобинонро болида сохт.