Санаи 22 июни соли 2025, дар Муассисаи давлатии “Боғи Ирам”-и шаҳри Душанбе бо мақсади иҷрои Амри Президенти Ҷумҳурии Тоҷикистон аз 02 январи соли 2025, №АП-713, "Ҷашни Тиргон бо баргузории Иди зардолу ва намоиши “Хушкмеваҳои Тоҷикистон” баргузор гардид. Дар ин чорабинӣ намояндагони ноҳияи Нуробод низ фаъолона ширкат варзида, маҳсули дастранҷи заҳматкашони ноҳия – аз ҷумла зардолу, хушкмеваҳо ва дигар маҳсулоти кишоварзиро ба маърази тамошо гузоштанд. Иштироки ноҳияи Нуробод дар чунин чорабиниҳои сатҳи ҷумҳуриявӣ бозгӯи пешрафти соҳаи кишоварзӣ ва саҳми арзандаи он дар таъмини амнияти озуқавории мамлакат мебошад.